“Vaxt qazanmaq üçün seçdiyim E-Pul.az, mənə hədiyyə də qazandırdı”
E-Pul onlayn ödəniş sistemi 1 dekabr 2017-ci il – 10 mart 2018-ci il tarixlərini əhatə edən “E-Pul-la ödə, E-Pul-la qazan” adlı stimulaşdırıcı lotereya təşkil etmişdir.
Hər bir E-Pul istifadəçisinin iştirak edə biləcəyi lotereyada 1 biletə bərabər olan eyniləşdirmə nömrəsi əldə etmək lazım idi. 1 (bir) eyniləşdirmə nömrəsi 50.000 (əlli min) bonus xala bərabər idi.
Eyniləşdirmə nömrəsinin sayına görə heç bir məhdudiyyət qoyulmamışdır, bu da iştirakçıların qalib olma şansını daha da artırırdı. Belə ki, istifadəçi bonusların sayı müqabilində eyniləşdirmə nömrəsi əldə edə bilərdi.
Məlumat üçün bildirək ki, istifadəçilər E-Pul.az vasitəsi ilə yerinə yetirdikləri hər bir ödəniş müqabilində bonus xala sahib olurlar.
“E-Pul-la ödə, E-Pul-la qazan” adlı stimullaşdırıcı lotereya E-Pul.az saytında onlayn qaydada, qalib isə 11 mart 2018-ci il saat 12:00-da E-Pul.az-ın rəsmi facebook səhifəsində, canlı yayımda müəyyən olundu.
Şəffaflığın təmin olunması məqsədi ilə qalib elektron püşkatma ilə – https://www.random.org saytı vasitəsi və Münsiflər heyətinin nəzarəti və istifadəçilərin canlı izləməsi ilə seçildi.
Lotereyanın uduş fondu olan Apple iPhone X modelli mobil telefonunu E-Pul.az-ın istifadəçisi Orxan Ağasoy qazandı.
“Paysis” MMC-nin direktoru Samir Nasibov qalib şəxsə hədiyyəni təqdim edərək, ona E-Pul.az-ı seçdiyi və lotereyada fəal iştirak etdiyi üçün təşəkkürünü bildirdi.
Orxan Ağasoy sevincini bölüşərək qeyd etdi ki, E-Pul.az-ı seçərkən niyyətim yüksək keyfiyyətli xidmətlərdən yararlanmaqla bərabər, vaxt qazanmaq idi. Amma sevimli portalım mənə həm də hədiyyə qazandırdı. Təqdim etdiyiniz xidmətlər, hər bir istifadəçi, xüsusilə də iş adamları üçün əvəzsizdir. Vaxt, zaman və təhlükəsizlik qazanmaq, rahat interfeys və funksionallıqdan istifadə üçün hər bir kəsi E-Pul.az istifadəçisi olmağa dəvət edirəm. Arzu edirəm ki, mənim yaşadığım sevinc hər bir istifadəçiyə nəsib olsun.
