Xidmət haqqında


Bonuslar – E-Pul.az saytında qeydiyyata düşdükdən dərhal sonra aktivləşən və sahibinin E-Pul hesabına  bağlanan əlavə bir funksiyadır. E-Pul istifədəçilərinin  daha da motivləşdirilməsi üçün sayt rəhbərliyi tərəfindən xüsusi bonus proqramlar işlənib hazırlanmışdır.  Belə ki, E-Pul-da istifadəçinin yerinə yetirdiyi hər bir tranzaksiya bonus vəsaitlərinin həcmini artırır. Yığılmış bonuslarla kommunal və mobil ödənişləri etmək və “Bonus mağaza”da təklif olunan hədiyyələrə sahib olmaq mümkündür.

Borclar –E-Pul Hesabına malik olan istifadəçinin borclu olduğu ödəməalanların siyahısını yarada bilir. Bəzi borclar var ki, onların borclar kateqoriyasına aid edilmədikləri təqdirdə istifadəçilərə əlavə narahatlıqlar yarada bilir. Məsələn, bir və ya bir-neçə xidmət provayderi üzrə göstərilən xidmətin qəfil kəsilməsi və ya ödənilmədiyi halda hətta tamamilə dayandırılması baş verə bilər. “Borclar” bölməsində ödəmə punktunun indeksasiya edilməsi zamanı isə istifadəçi hər hansı müəyyən bir servis üzrə borcunun olması barədə məlumat əldə edir. Tətbiq olunan xidmət həm də ona görə rahatdır ki, istifadəçiyə servislərə görə ona təqdim olunmuş hesabları “Borclar” bölməsindən “Avtomatik ödəniş” və ya “Seçilmiş ödənişlər” bölmələrinə və geriyə keçirmək imkanı verir.

Avtomatik ödəniş –çox rahat bir xidmət növüdür. Bu servis, E-Pul Hesabına malik olan istifadəçiyə özünün bilavasitə iştirakı və hər hansı hərəkəti olmadan sistematik ödənişlərin avtomatik silinməsini həyata keçirməyə imkan verir. Bir qayda olaraq, bu növ ödənişlər – internet və kabel televiziyası xidmətlərinin abunə haqları, dövri kommunal xidmətlər, telefon hesablarının ödənməsi kimi sistematik ödəniş tələb edən xidmətlərin ödənməsində istifadə edilir. E-Pul istifadəçisinin nəinki avtomatik ödənişin dövriliyini (hər ay, hər həftə, hər gün), hətta ödənişin baş vermə vaxtını və saatını belə seçmək imkanı vardır. Əgər istifadəçi dövri ödənişləri saxlamaq qərarına gələrsə, bu halda onun E-Pul hesabında müxtəlif imkanlar yaranır. Məsələn, o, hər hansı bir xidmət üzrə avtomatik ödənişi həm müvəqqəti saxlaya bilər, həm də ki, onu tamamilə avtomatik ödənişlər siyahısından çıxara bilər.

Kartın qeydiyyatı – E-Pul hesabı olan istifadəçilər üçün əlavə imkanlar və rahatlıqlar təqdim edir. Bu, kartda olan məlumatların daim əl ilə daxil edilməsi kimi üzücü bir prosedur tələb etməyən sadələşdirilmiş üsuldur. Ödəniş həyata keçirmək üçün E-Pul.az-da kartınızı qeydiyyatdan keçirib, mal və ya xidmətin dəyərini ödəmək istədiyiniz bank kartının kiçik şəklinin üzərinə toxunmaq kifayətdir.

Ödəmələrin tarixçəsi – E-Pul.az istifadəçisinin rahatlığına xidmət edən bir bölmədir. Burada istifadəçinin sistemdə qeydiyyata düşdükdən sonra etdiyi bütün ödəmələr haqqında məlumat toplanmışdır.  Hər hansı konkret ödəniş barədə məlumat almaq istəyən E-Pul Hesabı olan istifadəçinin ixtiyarında bütün mümkün filtrlərin tətbiqi ilə rahat interfeys vardır. İstifadəçi zəruri ödəməni onun edildiyi tarix, şirkətin adı, məbləğ və s. filtrlər üzrə tapa bilər. Axtarılan ödənişə müraciətdən sonra əldə edilən məlumatlar aşağıdakılardan ibarətdir:
• Keçmiş dövrlər üzrə edilmiş ödənişlərin tarixi;
• Ödəniş edilmiş xidmətin adı;
• Ödəniş edilmiş xidmətin məbləği;
• Tranzaksiya həyata keçirilmiş kart barədə məlumat;
• Ödənişi almış təşkilatın adı və ya şəxsin məlumatları.

Seçilmiş ödənişlər – E-Pul.az istifadəçilərinin rahatlığına münbir şərait yaradır. Şəxsi kabinetin interfeysində yerləşdirilmiş bu xidmətin yaradılmasında məqsəd, daha tez-tez istifadə olunan ödənişlərə  istifadəçi üçün sürətli əlçatarlıq imkanı verməkdir. Sistem daha tez-tez edilən birdəfəlik ödənişləri həyata keçirmək üçün bütün zəruri məlumatları saxlayır. Artıq ödəmə alanların hesab nömrələrini və rekvizitlərini saxlamağa lüzum yoxdur. Seçilmiş ödənişlər siyahısına hər hansı ödənişin əl ilə daxil edilməsi və həmçinin əksinə, hansısa aktual olmayan ödəmənin bu siyahıdan çıxarılması imkanı da nəzərə alınıb. Bölmənin idarə edilməsi imkanları bununla da məhdudlaşmır. Belə ki, E-Pul istifadəçisi, sistemdə nəzərdə tutulmuş vasitələrlə seçilmiş  ödənişlər siyahısından bir və ya bir neçə ödəməni “Borclar” və “Avtomatik ödənişlər” bölmələrinə keçirmək imkanına da malikdir.

Virtual Kart – E-Pul.az-ın unukal xidmətlərindən biridir. Azərbaycanda ilk dəfə Onlayn Virtual kart xidmətini məhz E-Pul.az  portalı Sizə təqdim edir. Virtual kart almaq üçün artıq heç bir yerə getməyə ehtiyac qalmadı. Sadəcə,  E-Pul saytı vasitəsi ilə Virtual karta sahib olursunuz və rahatlıqla istifadə edirsiniz.Virtual kart plastik kartın virtual, yəni mövcud olmayan tipidir. Siz bu kartı ancaq internet ödənişlərdə istifadə edə bilərsiniz. Siz öz kartınızı müxtəlif ödəniş saytlarında qeydiyyatdan keçirmək istəmirsiniz. Bu halda Virtual kart rahat və təhlükəsiz seçimdir. Siz internetdə alış-veriş və ya ödənişlər etmək üçün kiməsə pul köçürmək istəyirsiniz, lakin o şəxsin plastik kartı yoxdur. Bu halda Siz Virtual kart yaradırsınız və kart məlumatını həmin şəxsə verirsiniz. Virtual kartı E-Pul.az saytında qeydiyyatdan keçdikdən sonra müvafiq bölümə daxil olursunuz və bir toxunuşla əldə edirsiniz. Siz Virtual kart alan kimi, ödəniş qəbzində Virtual kartın 16 rəqəmli nömrəsini əldə edirsiniz. Kartın etibarlılıq tarixi və CVV kodu isə E-Pul.az-da qeydiyyatdan keçirdiyiniz mobil telefon nömrənizə SMS vasitəsi ilə göndərilir. Virtual kartın xidmət haqqı (komissiyası) minimum 2 AZN və ya ödənilən məbləğin 2%-ni təşkil edir.
Virtual kart maksimum 150 AZN məbləğinə qədər açıla bilər.

Dostunu Dəvət Et – E-Pul.az-da təqdim olunan xidmətlərdən biridir. Artıq bir neçə müddətdir ki, istifadəçilərin ixtiyarına verilən bu xidmətin özünəməxsus xüsusiyyətləri var. Belə ki, həmin bölümdə  Sizə aid olan linki sosial şəbəkələrdə paylaşa və ya dostlarınıza göndərə bilərsiniz. Dostlarınızı E-Pul.az-ın xidmətlərindən yararlanmağa dəvət edərək, bonuslara sahib olarsınız. Hər bir istifadəçi dəvət olunan dosta görə dərhal 1000 bonus xalı qazanır. Eləcə də ilk 3 ay ərzində hər dəvət olunan dostun yerinə yetirdiyi ödənişlərə görə qazandığı bonusun 10%-nə sahib olur.

Kartdan-Kartda–E-Pul.az-da mövcud olan və istifadəçilərin rahatlığına şərait yaradan xidmətlərdən biridir. E-Pul.az Azərbaycanda ilk dəfə, bank olmayan təşkilat olaraq, ölkə üzrə ani plastik kart köçürmələrini həyata keçirir. Kartdan-karta xidmətində istifadəçilərin valyuta (AZN və USD) seçimi var. İndi Kartdan-karta xidməti daha da genişləndi. Belə ki, pul köçürmələri artıq bütün Azərbaycan banklarının kartları ilə mümkün olacaq! Həmçinin, telefon və planşet vasitəsilə E-Pul-un Kartdan-karta xidmətindən istifadə edə bilərsiniz. Kartdan-karta xidmətinin komissiyası 1.5%, minimum 1 AZN-ə qədər azaldı.

E-PUL PUL KİSƏSİ (WALLET) – E-Pul.az portalı daha bir yeniliyini təqdim edir.
E-Pul.az-da qeydiyyatdan keçərək, Pul Kisəsi yaradırsınız. MilliÖn terminallarından Elektron pul kisəsi bölümünə daxil olaraq, E-Pul-u seçib və qeydiyyatda olan mobil nömrəni daxil edirsiniz. E-Pul Pul Kisəsi balansını artırmaq iki üsulla mümkündür. Kart vasitəsi ilə balans artırmaq üçün sayta daxil olaraq, kart məlumatlarını qeyd etmək lazımdır. Burada komissiya 1% nəzərdə tutulub. Həmçinin, balansı MilliÖn terminalları vasitəsi ilə də artırmaq olar. Bunun əsas üstünlüyü ondan ibarətdir ki, burada heç bir komissiya nəzərdə tutulmayıb. Məlumat üçün qeyd edək ki, gələcəkdə digər terminallardan da balans artırmaq məqsədi ilə istifadə olunacaq.
E-Pul Pul Kisəsi ilə aşağıdakı əməliyyatları yerinə yetirmək olar:
Kommunal xidmətlərin ödənişi – ödəniş növü kimi kart yox, Pul Kisəsindən istifadə edə bilərsiniz.
Virtual Kartın əldə edilməsi -plastik kart vasitəsi ilə ödəniş etmək əvəzinə, ödəniş növü kimi Pul Kisəsi göstərə bilərsiniz.
Kartdan-karta xidməti– pul köçürməsi edən zaman ödəniş növü kimi Pul Kisəsi seçib digər karta pul köçürə bilərsiniz.
Pul köçürməsi– digər E-Pul.az istifadəçisinin elektron pul kisəsinə pul köçürmə mümkündür. Bu köçürmə zamanı heç bir komissiya ödənilmir.
Konvertasiya – şəxsi pul kisələri arasında konvertasiya əməliyyatı apara bilərsiniz. Bu o zaman lazım gəlir ki, müəyyən xidmətlər yalnız USD ödənişi qəbul edir. Bu zaman dollar hesabınızın-dollar Wallet-mövcud olması zəruridır. Belə olduğu təqdirdə Siz AZN Pul Kisəsindən USD Pul Kisəsinə konvertasiya edərək, seçdiyiniz xidmət üzrə ödəniş edə bilərsiniz. Burada komissiya 1% nəzərdə tutulub.
E-Pul Pul Kisəsi üzrə 2 tarif planı mövcuddur: StandartPremium.
Standart tarif planında maksimum balans 50 AZN/USD, birdəfəlik istifadə limiti isə 1000 AZN/USD təşkil edir.
Premium tarif planında limitlər ləğv olunur. İstənilən məbləğdə Pul Kisəsi yaratmaq olar. Premium tarif planına keçid üçün aşağıdakı identifikasiya metodlarından istifadə edə bilərsiniz:
Ofisə gəlmək, İdentifikasiyanı sifariş etmək və Asan İmza.
E-Pul Pul Kisəsi ilə edilən ödənişlərə görə bonuslara sahib olacaqsınız. Həmçinin, bütün ödənişlər və məlumatlarınızın tam təhlükəsizliyi təmin olunur. Hər bir istifadəçini rahatlıq və məmnunluğuna xidmət edəcək E-Pul Pul Kisəsindən yararlanmağa dəvət edirik.

Faktura-Bu xidmət iki formada təqdim olunur:

Pul Kisəsi üzrə-Pul kisəmə pul köçür;

Kommunal və digər ödənişlər üzrə-Mənim borcumu ödə.

Bu xidmətdən istifadə edərək, E-Pul.az-da təqdim olunan istənilən xidmət üzrə borcun ödənilməsini digər istifadəçiyə Faktura göndərməklə reallaşdırmaq olar.

Fakturada xidmət, ödəniləcək məbləğ və Fakturanın göndəriləcəyi istifadəçinin telefon nömrəsi qeyd olunmalıdır.

Pul Kisəsinin balansının artırılması ilə bağlı Fakturada isə mövcud Pul Kisəsinə vəsaitin yatırılmasına dair E-Pul-un digər istifadəçisinə Faktura göndərmək olar.

Qarşı tərəf Faktura əsasında olan ödənişləri komissiyasız yerinə yetirir və Bonuslara sahib olur.

Fakturanın qüvvədə olma müddəti maksimum 1 ay hesab olunur.

Qarşı tərəf ödənişləri yerinə yetirə və ya göndərilən Fakturadan imtina edə bilər. Həmçinin, göndərən şəxs Fakturanı dayandıra bilər.

Cash By Code xidməti-İstifadəçilərin ödənişinə münbit şərait yaradan E-Pul platforması Cash By Code xidmətini təqdim edir. Xidmətin özünəməxsus cəhəti ondan ibarətdir ki, Cash By Code xidməti ilə kartınız olmasa belə, E-Pul.az-ın təqdim etdiyi xidmətlərdən istifadə edə bilərsiniz. Belə ki, Siz E-Pul istifadəçisi olan dostunuza müraciət edərək, müəyyən məbləği ondan Cash By Code vasitəsi ilə köçürməyi istəyə bilərsiniz. Digər istifadəçi həmin məbləği göndərərkən, Bank of Bakuya məxsus olan ATM-lərdən bu məbləği məxaric edə bilərsiniz.

Bu zaman Sizə göndərilən kodu, həmçinin, təhlükəsizlik məqsədi ilə qarşı tərəfin kodunu daxil etməniz zəruridir. Bu xidmətdən yararlanarkən, yalnız 5-in mislinə bölünə bilən ədədlərdən istifadə etmək mümükün olacaq. Xidmət üzrə minimum məbləğ 5AZN, maksimum 500 AZN müəyyən edilmişdir. Tətbiq edilən komissiya minimum 1AZN və ya məbləğin 1%-i təşkil edir.

Cash By Code xidmətindən istifadə müddət 24 saatdır. Əgər təyin olunmuş müddət ərzində xidmətdən istifadə olunmazsa, müddət bitdikdən sonra məbləğ göndərilən karta və ya Pul Kisəsinə geri qaytarılacaq.

Çoxsaylı təkliflərinizi nəzərə alaraq, Pul Kisəsi xidmətinə yeni funksiya tətbiq etdik. Standart və Premim tarif üzrə istifadə etdiyiniz bu xidmətdə daha bir yenilik ürəyinizcə olacaq. İndi Pul Kisənizdən nağdlaşdırma əməliyyatını icra edəcəksiniz.

Cash By Code xidməti Sizə bu imkanı verəcək. Bu zaman  səxsi kabinetə SMS gəlir və Siz kodu daxil edərək, istədiyiniz məbləği hesabınızdan məxaric edə biləcəksiniz.

E-Pul Hesabınızda Köçürmələr bölümünə daxil olaraq, Cash By Code xidmətindən yararlana bilərsiniz.